6年前嘅今日，冇諗過有呢個畫面出現。因為大家都有問過對方，話籌備婚禮已經好忙，冇時間準備啲咩驚喜喇。
結果嗰晚一換完衫出黎，就見到怪獸以佢自創嘅螳螂拳彈咗一首我好鍾意嘅歌。
「親愛的我多麼幸運 人海中能夠遇見你
親愛的我多麼盼望 每一天在這裡永遠永遠有家的感覺
親愛的我多麼幸運 人海中能夠遇見你
親愛的我多麼盼望 每一天在這裡和你分享家的感覺」
記得我曾經無意中講過，識彈琴嘅男人好charm，好似某個港男冠軍係鋼琴演奏級㗎！結果怪獸就去搵朋友教佢彈琴，又去琴行租琴黎練。佢話本來想自彈自唱，但晌時間迫近之下，朋友叫佢放棄是但一樣，結果就放棄咗唱歌嗰part。
自此每逢經過琴行（包括去維也納旅行嗰陣），佢都會拉我入去彈返幾句黎表演同自娛一番。
怪獸，雖然你而家變咗痴線佬，但我係絕對唔會嫌棄你㗎！
#鐵婚快樂
#鋼琴小王子螳螂拳版
#在人海中遇見你
Search